یانەی وەرزشی هەولێر  
 
كوردى   |   English   |   عربي
 
هەولێر راهێنەرێكی تازەی بۆ تیپی تۆپی دەست دەستنیشانكرد     23/02/2018 8:17:12 PM


بەفەرمی یانەی ھەولێر راھێنەرێکی نوێی بۆ تیپی تۆپی دەستی کوران دەستنیشانکرد.
ئیبراھیم خەنجەر بەفەرمی بووە راھێنەری تیپی تۆپی دەستی کوران و ھەریەکە لە ئیبراھیم قادر و عامر مەھدی وەکو یاریدەدەری راھێنەر و زیاد ئەمین وەکو راھێنەری گۆلپارێز دەستنیشانکران.
ئیبراھیم خەنجەر لە دایکبووی ساڵی (١٩٧٨)ە و یاری بۆ یانەکانی ( جەیش، کەرخ، شورتە، ھەولێر) كردووە و وەكو یاریزانی پیشەگەر لە خولی ئوردنی یاری کردووە و یاریزانی ھەڵبژاردەکانی ( تازەپێگەیشتووان، لاوان، ئۆلۆمپی، یەکەمی عێراق) بووە و چەندین جار نازناوی خولی عێراقی بەدەستھێناوە و لە ساڵی (٢٠١٤) بەیەکجاری وازی لە یاریکردن ھێنا.
دواتر رووی لە کاری راھێنەرایەتی کرد و بووە راھێنەری ھەڵبژاردەی قوتابخانەکانی عێراق و پلەی دووەمی پاڵەوانێتی عەرەبی بەدەستھێنا و دواتر بووە راھێنەری یانەی ئافرەتانی ھەولێر.
ئیبراھیم خەنجەر خاوەن بروانامەی (B) نیودەوڵەتییە لە ساڵی (٢٠١٧) لە ئەڵمانیا بەدەستھێنا و ئەمساڵ بەشداری لە خولی راھێنەرایەتی (A) دەکات، کە لە وڵاتی ژاپۆن بەرێوە دەچێت.